Iha Loron 29 Julio 2026, Familia husi Martiris Guilherme A. Henrique ho Numero Rejisto MFA – VEC6066 ho durasaun tinan 3, Fulan 11, Neebe Nia familia ho inisiativo rekolha Nia restos mortais husi suku Rotuto hodi translada ba Dili Neebe tau iha Postu Administrativo Dom Aleixo, suku Vila Verde, Aldeia Terus Nain, Rate Islam nian.
Tuir Informasaun familia ho inisiativo rekolha ona resto mortais nee, bazeia ba karta Neebe dirije ba Diresaun Nasional Patrimonio Historia e pisquiza ( DNGPHP )ho Numero referensia 404 CMCLN- D / VII / 2026, Husi parte Conselho Municipal dos Combatentes da Libersaun Nasional – Dili ( CMCLN – D ) husu ajuda Apoio husi Diresaun Nasional Patrimonio Historia e pisquiza ( DNGPHP ) hodi apoio urnas 1, Ambulancia, Bendera Nasional ho bandera FALINTIL hodi tau restos mortais Martir Guilherme A. Henrique nian hodi kontinua prosesu ba Halot iha Jardim dos Herois Metinaro, hodi Hein despaxo governo tuir mai.
Informasaun Neebe assesu husi via watshapp ho Xefi Suku Rotutu Jose dos Santos no Xefi Aldeia Ai mutin – dili hermenjildo Neebe dada lia ho Helena Maria Soares iha Nia Residensia, Suku ViLaverde, Aldeia terus Nain, Rate islam nian, Nudar fen kaben husi Martiris Guilherme Antonio Henriques, haktuir katak Uluk Sira hela iha Betano, wainhira Nia Laen moras iha Betano, Sira Lori Mai baixa iha hospital Same, maibe sente moras nee todan, nunee disidi muda ba Rotuto Tamba Helena Nia aman Ema Rotuto naran Florindo Soares husi Aldeia Foehei, Uma Fukun Uma Maubise.
Helena haktuir Tamba sa muda Sae ba Rotuto ho razaun moras nee hare todan nunee karik buat ruma ka Susar bele hakoi hela iha Rotuto, hodi nunee Sira muda dunik ba Rotuto iha tempo neeba, to iha Rotuto Sira hela iha Uma Kiik oan Ida iha tos, Ema Neebe tula Sira ba Rotuto Mak Vicente lori ba iha katuas Antonio Gailhos Nia Uma, no fim Helena Nia Laen kaben Hakotu is iha nee, iha Loron 5 Fulan Novembro 1979, no hakoi iha cemeterio Rotuto nunee iha Tinan 1981 Helena muda fali ba Dili.
Helena nudar oan husi Florindo Soares husi Aldeia Foehei, Uma lisan Maubise, haktuir katak Nia familia husi aman nian, alin husi aman Mak Pedro, Antonio no siku.
Helena hatutan Liu Tan oan husi Florindo Soares husi feto boot, Ema Dili Mak kous ba Nia ” Helena Maria Soares ” nudar bin, wainhira Nia aman Mai Rotuto Hola fali feto segundu naran Alda hodi kous ba Nia Alin Agusto ( mate ona ) no Rumana Hola Mane iha Grotu ( mate ona ) hela deit Nia oan Sira.
Foti restos mortais nee tuir Helena nee Sira halo tuir Sira Nia Kbit, maibe antes nee fo hatene ba Xefi Suku no Xefi Aldeia Mak hodi hasai husi Rotuto lori ba Dili.
Helena tatoli ba Rotuto Sira iha dili Laran karik Sira hatene Nia no sente Nia mos pertensia husi Rotuto no Uma Maubise oan hakat Mai ba no axiste hotu ba no hodi Halot restos mortais nee.
rekolha restos mortais nee Helena haktuir, Nia oan Mane fo konesementu ba iha CMCLN- D Mak lori ba rekolha iha Rotuto, Kona ba Halot sei Hein despaxo parese sabdu nunee.
Nudar oan ba da lima husi Martiris Guilherme A. Henrique no Helena Maria Soares , Zelia Antonio Henrique Nia Lia menon ba Rotuto atu hakuak malu nafatin, buka malu, Halibur malu,Tamba Ita Kablaki Nia oan,
Nunee mos bei oan boot, husi Helena Maria Soares hato mensajen ba Rotuto oan Sira hotu, Tanto Joven, Katuas no ferik Sira, aman Tiu no inan Sira hotu, karik sentimentu nudar Rotuto Nia oan presija kontribuisaun hamutuk, presija ran buka ran, nunee hodi hakat ba Fatin restos mortais nian , hodi halot likus Nia Avo Guilherme Antonio Henrique Neebe sai nudar Ema resistensia no Saudoso Ida ba Timor, Manufahi, Same no Rotuto no nudar sakrefisu Ida ba Ita hotu.
Bei oan nee mos hatutan katak nudar Rotuto oan la hare ba beik ou matenek, Riku e kiak, okupa kargu ruma o Kiik la hare level,la hare grau, maibe nudar Rotuto oan Ita hotu hamutuk nudar Ran Rotuto, Avo Kablaki Nia oan Sei Tulun no Haburas nafatin Ita hodi buka malu nafatin hodi rekonese no dezenvolve sakrefisu Avo Sira Nia ran fakar ba Rotuto, Tamba Sira Nia Luta Mak Ita Nia Vitoria nunee Mai hamutuk kolabora malu hodi ba Halot martir Guilherme Nudar Rotuto iha Jardim dos Herois Metinaro.
=========================
Kontribui Informasaun no foto
Xefi suku Rotuto. : Jose dos Santos
Xefi Aldeia Ai mutin – Dili : Hermenejildo
Kredit foto husi akunt ” Jomy Silva ” nudar Xefi Aldeia Foehei : Joao da Silva
