iha sexta, loron 07 fulan Novembro 2025, iha sede suku Rotuto, lansa ofisial website suku Rotuto www.Rotuto.suku.tl.
iha lansamentu ne’e, jestor sentru informsaun Suku Rotuto Amorino da Costa Mendes Sarmento ( che Arino lara 82 ) iha diskursu katak objetivo husi kria website ofisial ne’e ho objectivo Atu fornese Informasaun ho lian ne’ebé struturado e adeguado no hasae konhesementu no promosaun,liu husi transmite informasaun relanvante tuir sosiadade nia moris Husi Rotuto, Manufahi e Timor leste ba publiku no mundu,Esplora informasaun ba interese suku Rotuto no manufahi, engeral Timor leste iha atividade sira ne’ebé bele Kontribui ba Povo Nia moris, Atualiza dadus Suku Nian, mapamentu, geografia,demografia no monografia, esplora Potensialidade suku nian ho nia problema , korespondensia no lori dezenvolvementu ba suku,epesial iha suku Rotuto, Manufahi, engeral Ba Timor leste.asegura informasaun ho seguru husi Atitude Hecker, editng selvagen, lia mal no hoax, prezerva informasaun no potensia ne’ebé iha, nudar meus kontribuisaun iha mundu seincia no teknologiku, prepara Siencia ho Manual hodi fornese referensia no siencia ba gerasaun sira tuir mai.hato’o informasaun, rekorda lian, Asegura no Prezerva ba Futuru.
Jestor Sentru informasaun suku Rotuto salenta tan katak kriasaun website suku Rotuto ne’e tamba hetan tulun no apoio husi Secretario de Estado komunikasaun Sosial ( SEKOMS ) liu husi Diresaun Nasional Diseminasaun informasaun ( DNDI ) ho nia equipa tekniku sira ne’ebe mak fo tulun husi Preparasaun to lansamentu ne’e.
iha lansamentu ne’e xefi suku Rotuto Jose dos Santos iha intervensaun katak website ne’e nudar kontinuasaun husi lansamentu naroman ba suku ne’ebe hahoris sentru informasaun suku Rotuto ne’ebe durante ne’e halo publikasaun iha media sosial ne’ebe firme no mantein to ohin loron lansa tan website ofisial ba suku Rotuto hodi lori suku Rotuto ba suku Digital iha timor leste.
Xefi suku Rotuto. iha lansamentu ne’e, husu ba joven sira, atu hakat mai sentru hodi aprende nune’e bele aumenta espresia no bele promove an hodi servi suku no nasaun ne’e iha mundu informasaun nian.
nune’e mos intervensaun husi Komandante komando PNTL esquadra Same vila, Nivio Celestino Zeronimo Batista hatete katak media nudar meus importante hodi fo sai informasaun potensia sira ba publiku, liu informasaun kona ba sitio turismo e kultural ba publiku nune’e ema bele hatene nomos bele atrai ema seluk hodi mai visita suku Rotuto, nune’e komandante ne’e hatete wainhira ema seluk atu mai visita suku rotuto buat ema importante asegura siguransa iha rai Rotuto ne’ebe fo konvertabilidade ba visitantes nia seguru wainhira hakat mai visita suku Rotuto, atu kria situasaun pas no unidade.
iha lansamentu ne’e mos Diretur Ajensia Fiskalizasaun Municipal Muncipio Manufahi Saturnino da Conçeicão Magno ne’ebe reprezenta Prezidente Autoridade Municipio manufahi fo apresiasaun, agradese no urgulho ba esforsu tomak liu liu espesial ba sr.Amorino ninia esforsu mak ohin loron estabelese website ida iha suku Rotuto, tamba media sosial importante ba ema hotu ho informasaun sa tan ho weebsite media ida alto tebtebes, niania kapasidade no frekuensia ne’e diak liu iha media, ho ida ne’e suku rotuto hetan prefelesiu boot ne’ebe servisu hamutuk ho parte SEKOMS hodi estabelese website iha suku Rotuto.
nune’e diretur fiskalizasaun ne’e mos husu atu nafatin kuidadau no utuliza ho didiak hodi fahe informasaun ba kumunidade sira ho los, justu no kredivel, tamba populasaun presiza informasaun ne’ebe ho lolos ligado ho dezenvolvementu ne’ebe lao iha teritorio laran tomak ne’ebe povo barak mak sidauk asesu ba informasaun dezenvolvementu hirak ne’e, tamba ne’e agradese ba website ne’ebe iha bele hatutan no habelar informasaun ba povo ligaddo ho sosio ekonomiku, kultural no turismo, ne’ebe presiza fo sai hodi atrai ema seluk hodi mai visita suku Rotuto, nune’e ho website ida ne’e bele halo promosaun ba rikesa sira ne’ebe suku iha atu ema seluk bele hatene, bele hare no bele mai tan.
diretur fiskalizasaun municipio manufahi mos husu ba ema hotu,liu liu joven sira sira atu uza media sira ne’e ho responsabilidade no diak labele uza media sira ne’e hodi insulta malu,ataka malu, no nudar autoridade nafatin apoio ba kualquer atividade iha suku no nafatin hamutuk ho maluk sira ne’ebe iha inisiativa diak hodi fo benefisiu ba kumunidade sira.
iha biban ne’e mos diretur jeral Secretario de Estado Komunikasaun sosial, Florindo da Costa, hato parabens ba jestor Sentru informasaun suku Rotuto tamba hahu husi inisia sentru informasaun suku Rotuto to ohin loron sentru ne;e sei existe to agora,iha fatin balu sentru informasaun equipamentus sira ne;e laiha hotu ona maibe suku Rotuto sei exeste hela ” hanoin nasionalismo mak boot karik” tamba estadu fasilita hodi kontribui ba dezenvolvementu ita nia nasaun, tamba ne’e governo Pronto nafatin fo apoio atu labele monu no asegura liu husi formasaun sira kona ba tekniku formasaun jornalismu nian, formasaun protokolo, formasaun kona ba hakerek imprensa, formasaun kona ba multi media, importante mak halo proposta ba SEKOMS, importante mak halo jestaun ho diak.
dereitur ne’e salenta katak iha ona akordu ho ministerio estatal atu oinsa asegura sustentabilidade nune’e ema sira ne’ebe haknar an iha laran ne’e bele hetan apoio ruma, atu sentru ne’e labele mate deit, no importante liu mak bele lori Rotuto ne’e ba timor leste e mundu.
Entretanto iha lansamentu ne’e partisipa Husi Diretur Jeral SEKOMS, Diretora DNDI, Equipa ICT – SEKOMS, Diretur Agensia Fiskalizasaun Municipal Municipio Manufahi, Komandante Komando PNTL esquadra Same Vila, Reprezentante Prezidente Konselho Kombatentes Libertasaun Municipio Manufahi, Xefi Suku Rotuto, OPS suku Rotuto, Xefi Aldeia Sira ( Aldeia sabou, Hatuhei,Berteni, Foehei no Leofat ) delegado no delegada Sira, Joven Mane no feto, Pessoal Postu Saude Rotuto, Manorin sira husi EBC, Bisakrem, Manorin Sira Husi EBF Rotuto, Manorin Sira Husi Pre-escolar 20 Agusto Rotuto, Estudantes sira no Kumunidade Sira.
==========
Sentru Informasaun suku Rotuto
Amorino Mendes #CheArinoLara82
