Iha loron 9 fulan maio tinan 2025, iha Ensino Basiku Central Bisakrem ( EBC ) ho nia filial sira selebra loron ba livro nian iha Ensino Basiku Filial Manico.
núne’e iha selebrasaun ne’e, Autoridade sira tama sala de aula, hodi observa direta ba estudantes sira ne’ebé le livro, ativiade ne’e nudar maneira motivasaun ba estudantes atu bele le barak liu tan.
depois de observasaun iha sala de aula, Direitor Ensino Basiku Central ( EBC ) Bisakrem Pinto Sarmento iha nia intervensaun relata ba autoidade katak EBC biskarem Kompustu Husi escolar Filial 6 mak hanesan Escola EBF 20 Agusto Rotuto, Escola EBF domingos Savio Grotu, EBF Riatu, EBF Mauream no EBF Manico ne’ebé ho total Manorin 56 husi manorin mane 38 manorin feto 18, total alunus 1264, tuir Direitor ne’e, katak entre escola hirak nee, iha filial Rua, Escola EBF Riatu no Mauream kondisaun infrastrutura primario ( Uma ) at los, ne’ebé ameasaudo ba iha prosesu aprendisagem.
fatin hanesan reprezenta Komando Polisia Nasional Timor leste Muncipio Manufahi Antonio da Silva rekomenda ba diresaun Nasional Ministerio da Edukasaun atu toma konsedrasaun ba desafiu sira ne’ebé EBC bisakrem infrenta no reforsa tan ba ministerio atu tun to areia rural sira hodi visita direta nomos husu Atu Ministerio edukasaun bele fo apoio ba estudantes sira iha areia desportu nian.
iha selebrasaun ne’e reprezentante xefi suku Babulu akresenta katak manorin sira nudar aliserse ba konstrusaun de estadu nomos dezenvolvementu nasional nian, liafuan hanesan mos hatoo husi Xefi suku Letefoho Joáo apresia ba manorin sira tanba husi manorin sira mak produs rekursu umanu ba dezenvolvementu integradu nasional nian, maske sira hanesan heroi sein títlu.
iha fatin hanesan Infordepe Municipio Manufahi Rodolfo iha nia intervensaun katak labarik sira le hatene, hatene hakerek no koalia hatene nudar sussesu ida, hodi nune’e manorin iha obrigasaun oinsa mak atu eduka oan sira diak tamba sira mak gerasaun kontinuador.
Hodi núne’e prezidente autoridade Municipio Manufahi, ne’ebé reprezenta husi Secretario Municipio Manufahi assuntu Sosial Aleixo de Deus hatoo nia parabens ba manorin tamba sei laiha ministero se wainhira laiha manorin, nia mos apresia ba manorin sira tamba liu husi observasaun ne’ebe halo ba sala de Aula, hatudu katak labarik sira bele le diak hotu nune nia husu ba inan aman no manorin sira atu orenta oan sira le barak liu, tamba liu husi le barak halo sira hatene barak no konhese mundu.
iha selebrasaun ne’e marka prezensa mos husi Staf Diresaun Nasional Ministerio da Edukasaun Lourdes de Jesus Godinho ,iha nia intervensaun nia husu ba inan aman sira atu servisu hamutuk ho manorin sira, esforsu, suporta oan sira iha prosesu aprendisajem hodi lori escola ba mudansa, Nune’e Timor leste bele kompete iha sudeeste asiatiku no iha mundu.
Entre tanto selebrasaun ba loron livro nian nian, selebra hamutuk ho prezidente autoridade Municipio Manufahi, ne’ebé reprezenta husi Secretario Municipio Manufahi assuntu Sosial Aleixo de deus, Edukasaun Municipio Manufahi ne’eb’e reprezenta husi Infordepe Manufahi, reprezentante komando polisia Nasional Municipio Manufahi, Vokal point Ministerio Joventude Desportu Arte e Cultura, representante xefi suku Babulu, xefi suku Letefoho, Manorin no estudantes sira.
======
