Tersa, loron 19 Agusto 2025, hala’o misa agradesemento komemorasaun Loron FALINTIL no loron levantamentu iha kampu Quinto dos Cravos, Canto sacramental, jardim dos Herois, martiris da pátria, Levantamentu 20 Agusto 1982, Baze 111 Kablaki, iha Municipio Manufahi, postu administrativu Same, Suku Rotutu- urhei.
Iha misa agradesemento ne’e prijidi husi diacono Agustinho dos Santos husi paroquia Nossa Senhora Assunsaun Same, nune’e iha omelia katak salvasaun husi Maromak mak domin loloos laiha sasukat, salvasaun la mai husi poder ema nian maibé mai husi graca Maromak nian, nune’e evangelo haktuir husik buat hotu hotu tuir Jesus nune’e tuir Jesus, tuir konsesu kumun ne’ebé as liu konsesu privadu,tuir Jesus iha ita nia servisu sira, sai ema ne’ebé lori justiza servi ba been kumun ema hotu nian, defende kbiit laek ne’ebé rezeita hahalok aat sira no iha sosiedade kria paz,stabilididade iha ambiente ne’ebé fó hakmatek no lori naroman ba ema hotu.
Iha omelia ne’e mós diacono ne’e salenta tan atu hetan kompensa ne’ebé di’ak kria relasaun di’ak ba malu, simu malu no labele husi ema seluk Moris mesak, no fiar ne’ebé loloos tau iha justiza, verdade no koerensia, hela iha liafuan, la’ós ko’alia ho liafuan maibé tau iha fuan hafoun ita nia fuan halo ita nia fuan ho domin, hafanun malu ho domin Maromak Nian lori malu ba moris rohan laek, nune’e ho selebrasaun misa ne’e atu agradese ba Maromak no ba eróis sira tamba riku soin loloos la sukat ho buat ne’ebé iha maibé buat ne’ebé ita fo no husik tanba domin ne’ebé ita halo hodi serbí ema seluk nudar eróis sira halo tamba rai ida ne’e,ita nia rai presiza loloos saida mak lia los no buat ne’ebé loloos, lá’os sira hein maibé sira buka atu servi, eróis sira sai disiplus Kristu nian ne’ebé husik buat hotu hotu sakrifika sira nia an, husik sira nia tempu,forsa, siguransa, enerjia, arte husik sira nia Moris atu rai ida ne’e hetan liberdade, eroi Nasaun nian hili buat di’ak maske iha buat di’ak ne’ebé sira halo difisil atu halo no sira fiar katak servi mak as liu sira nia vida.
Iha selebrasaun misa agradesemento ne’e partisipa mós husi Prezidente Autoridade Munisípiu Manufahi ( PAM ) Luis Marcal da Costa Tavares ne’ebé depois de misa nia hato mensagen ba komunidade Rotutu katak selebrasaun ne’e sei hetan mós ajuda preparasaun husi Munisípiu no partisipa iha sermonia Icar bendera ne’e sei partisipa husi Secretaria Municipio Manufahi no direitores sira balu tanba eventu ne’e la’ós Rotutu nian mesak maibé Manufahi nian no Munisípiu sei Apoio maximu no hetan kordensaun dereta husi xefi suku no nudar patrimonio estoriku rezisténsia Manufahi nian Tamba ne’e fatin estoriku ne’e, Manufahi nian no selebrasaun ne’e sei la’o ho di’ak no Rotuto sei la la’o mesak maibé konta mós ho autoridade Municipio Manufahi.
Depois de misa agradesemento ne’e prezidente Autoridade Munisípiu Manufahi foto hamutuk ho estudante husi EBF Rotuto no Ebc bisakrem B.
Entre tanto partisipa iha misa ne’e PAM, Xefi Aldeia sira, sarani Rotuto no komisaun Organizadora levantamentu 20 Agusto 1982.
========
Sentru Informasaun Suku Rotutu
Amorino Mendes #CheArinoLara82
