quarta, loron 20 fulan Agusto 2025, komemorasaun loron FALINTIL 1975 – 2025 ba dala 50 no loron levantamentu 20 Agusto 1982 – 2025 ba dala 43 iha Kampu Quinto dos Cravos, Canto Sacramental, Jardim dos Herois, Martiris da pátria, levantamentu 20 Agusto 1982, Baze 111 kablaki, ho Sermonia Icar bendera iha Suku Rotuto, Postu administrativu Same, Municipio Manufahi.
Iha Sermonia komemorasaun Loron FALINTIL no levantamentu ne’e, inspetur da Sermonia mak Prezidente Autoridade Munisípiu Manufahi ( PAM ) reprezenta husi Secretaria Municipio Manufahi assunto sosial Aleixo de deus.
Nu’udar inspetur da Sermonia, Secretario Munisípiu Manufahi assunto sosial ne’e iha nia diskursu ne’e katak ukun ne’e fasil atu temi, maibé realidade lao tinan barak mak foin hetan liberdade, lori ruin, lori ran, balu kiak sedu balu dauluk sedu tan de’it ita hotu nia hakarak rai Timor ukun rasik-an, tanba ne’e selebrasaun ida ne’e hodi hanoin hikas luta FALINTIL tinan lima nulu ba kotuk no levantamentu tinan haat nulu resin tolu ba kotuk nune’e tuir Bíblia haktuir Nai Jesus Kristu mate no Moris hias hodi prepara fatin ba ita ne’ebé moris nune’e mós ita nia eróis martiris da pátria sira, sira nia mate la hatene sira nia ruin iha ne’ebé balu ita foti hodi hakoi no balu lae, ho sira nia mate ne’e, fo biban ba ita ne’ebé moris hodi goza.
Nunee mós iha diskursu ne’e Secretaria Munisípiu ne’e mós rekoñese katak fatin hadomi FALINTIL Sira no sai fatin helik no subar ba ita nia FALINTIL sira, tamba rai ida ne’e lulik iha Timor, spesefika iha Manufahi mak rai Kablaki – Rotuto.
Hodi nune’e fo hanoin mai ita ho asuwain sira nia mate sira nia esperitu haforsa ita nafatin hodi hanoin akintesementu ne’ebé liu ona.
Iha Sermonia Icar bendera komemorasaun loron FALINTIL no levantamentu ne’e partisipa husi Konselho Veteranos Municipio Manufahi, Autoridade protesaun Civil, Bomberos, komandante komando PNTL Munisípiu Manufahi, Sasin moris ba assaun levantamentu 20 Agusto 1982 Komandante Nunurak, DNSPP, Reprezentante MSSI Manufahi, Reprezentante husi Ministerio Agrikultura, Direitur ONG no organizasaun Kumunitaria,assesor Munisípiu, SECOOP, komérsiu industria, Veteranos desmobilizados, antigu kombatentes, sosiedade Civil LBF no FHTL, reprezentante intelektual Manufahi no departamentu interligados sira iha Manufahi.
No iha formatura PNTL, Bomberos, DNSPP, manorin husi EBC bisakrem no estudante sira, komunidade Suku Rotutu, komunidade husi Suku viginhos Goulau,Kotalala no grotu, Corpu Icar bendera no Drumb band husi Cristal.
Depois Icar bendera prensia ho atividade mak hanesan Komandante Nunurak fo Sasin ba levantamentu armado 20 Agusto 1982, teatro pantomi ho títulu pátria Maubere no puizia husi FHTL no EBC bisakrem, Karolina no aprezentsaun dansa modernu husi kiik oan no puizia husi CEFOBOM hodi anima komunidade to Sermonia Arear Bendera iha Tuku 4 lorokraik.
Entretanto iha Sermonia komemorasaun loron FALINTIL no levantamentu tinan ne’e simples no la hetan partisipasaun maximu husi instituisaun sira iha Municipio Manufahi kumpara ho selebrasaun tinan 2024 ba to 2021 no apoio fundus ba komemorasaun ne’e kontribui husi Vontade no konseinsia povo Rotuto tuir kbiit ne’ebé iha, hodi selebra loron historiku ne’e nudar valorizasaun no prezervasaun,salva guarda patrimonio estoriku Manufahi no ba Timor leste.
=======
