iha quinta, loron 15 Janeiro 2026, iha Rexinto Autoridade Munisipal Manufahi, Autoridade Municipio Manufahi halao Natal hamutuk ho instituisaun linha minisiterial,depertementu interligados, delegasaun Teritorial, administrasaun Postu Administrativo Fatin hat iha municipio Manufahi no Lider kumunitario husi suku 30 iha municipio Manufahi, nomos setor privadu no sosidade civil inklui deefisiente Sira ho tema :
” HAMETIN UNIDADE SERVI POVO HO RESPONSABILIDADE”
Iha ambito natal hamutuk nee hahu ho reflesaun neebe direji husi Madre MARGARIDA Kongregasaun CIJ nian neebe hatete servi povo ho fuan Tamba ho fuan Mak bele iha domin, ho domin bele harii unidade Ida ho Responsabilidade tuir fiar sarani katolika nian neebe hametin an ho maromak servi povo Manufahi ho Responsabilidade ba Manufahi Ida diak Liu Tan.
Iha sermonia Natal Hamutuk nee, Komandante PNTL Municipio Manufahi Superintendente polisia paulino carmo pereira, Apresia no Agradese ba Kumunidade hotu iha Municipio Manufahi neebe selebra loron Natal 2025 no tinan foun 2026 tuir observasaun Polisia Nasional Timor Leste ( PNTL ) situasaun Lao hakmatek no kontrolado nunee Most Komandante nee agradese ba Autoridade Munispál ho Nia estrutura tomak neebe fo apoiu moral no Lojistik ba PNTL hodi halou servisu iha Municipio Manufahi hodi Garante situasaun lao hakmatek, Tamba nee Komandante PNTL nee husu atu Iha tinan 2026 Ita hamutuk harri Manufahi Ida hakmatek hodi lori Manufahi Ida furak Liu Tan.
Nunee iha preves palavra husi Prezidente Conselho Combatentes Libertasaun Nasional Municipio Manufahi Tobias Amaral Magno ” Maksakur ” fo apreseisaun ba Autoridade municipio no estrutura nia esforsu tomak hodi hetan klasifikasaun muito bom iha avaliasaun kondisaun Minimu nian hodi hakat poder lokal.
Tamba nee tuir Maksakur katak hanesan Veterano Pronto kopera no kolobora ho governance nomos servisu hamutuk ho PNTL no FDTL hodi asegura no hametin unidade no Estabilidade neebe lori Manufahi ba situasaun hakmatek hodi halao dezenvolmentu ba Manufahi Nia diak.
Natal hamutuk Ida nee partisipa mos husi Adriano Corte Real nudar Aman Veterano Ida iha Manufahi nebee reprezenta povo Manufahi hatte katak nudar Manufahi oan Tengki neon Ida laran Ida, servisu makas hodi simu Camra kota no atu lori camra kota nee ba oin presija Manufahi Nia kapasidade iha rekursu umanu nomos rekursu Naturais.
Selebrasaun Natal Hamutuk Ida nee Prezidente Autoridade Municipio Manufahi Luis Marcal da Costa Tavares benci katak selebrasaun Natal hamutuk nee hodi fo agradesemento ba Funsionario Sira nebee regormado nomos hodi hare ba saida Mak Manufahi iha hodi simu Camra kota, maibe Camra kota nee atu Lao diak presija unidade no Rai Manufahi atu hetan diak presija servisu makas.
Tuir Prezidente Autoridade Municipio Manufahi ho Natal hamutuk Ida nee bele fahe informasaun ba malu kona ba Responsabilidade no servisu neebe esforsu husi Autoridade nebee hetan kolaborasaun partisipasaun no koperasaun husi entidades Sira hotu Mak halo Manufahi hetan valor Ida diak hodi lori Manufahi hakat ba poder lokal.
Iha ambito nee mos Luis Marcal da Costa Tavares nudar Prezidente Autoridade Municipio Manufahi husu ba Jovem Sira atu hanoin Innovativo ho asaun pozitivu hahu husi kiik Lao ba oin ho kreatividade neebe iha iha nivel Aldeia no suku Sira Tamba nudar Autoridade semper hamrik iha jovem Sira no konta mos ho Autoridade.
Ba Nai xefi suku Sira Prezidente Autoridade husu atu hakbesik an ba povo hodi buka hatene didiak povo Nia difikuldade, hatene potensi suku nian no buka hatene geografikamente husi suku no buka servisu hamutuk ho entidades hotu ba dezenvolmentu suku Ida neebe diak.
=======
Sentru Infomasaun Suku Rotutu Amorino Mendes #CheArinoLara82
