iha Loron 14 Outobro 2025, Funsionario Secretario de Estado Arte e Cultura ( SEAC ) destakadu iha Municipio Manufahi, hamutuk ho Xefi suku Rotuto Jose dos Santos no matadalan Henrique Filipe Visita Fatin Akampamentu saudoso Eduardo Mautalo ka konhesidu mos ho naran Ai Ru iha kablaki Tutun.
Akampamentu nee tuir Informasaun katak Fatin nee Mak sai nudar komando Ba Asistente politika Eduardo Mautalo nian Neebe hanaran BAZE 111 KABLAKI.
Tuir Matadalan Henrique Filipe katak Iha tinan ± 1989 ou 1990 Nia ba hare Karau ne’ebe husik Hela iha Kablaki, Nia la konsiente katak Nia atu Hasoru malu ho FALINTIL Sira, Nia Lao iha kablaki Tutun husi RAE TOE LAU atu hodi tesik ba Sis Diu Teri /Hahi Lebo nian, derepente Nia siguranca FALINTIL Sira Iha Fatuk KABIL, Kaer Nia iha nee, hodi nunee siguranca Sira lori Nia ba intrega Nia husi siguranca Ida ba siguranca seluk to Dala 5 Ida nunee Mak Foin lori to ba Akampamentu Saudoso Eduardo Mautalo Nia Fatin.
Henrique Filipe hatutan wainhira siguranca Sira lori Nia to ba iha Fatin Saudoso Eduardo Mautalo nian, Nia hakfodak Tamba komando Neebe Nia atu Hasoru nee lidera husi Nia Tiu feto San rasik ( Henrique Nia Tiu feto San Mak EDUARDO MAUTALO) hodi nunee Nia hakat ba Hodi hola bensa ba saudoso Eduardo Mautalo nunee Ema lubuk Neebe iha Fatin nee hakfodak Tamba Ema Neebe Sira kaer nee relasaun Familia ho Saudoso Asistente politika Eduardo Mautalo.
Nunee tuir Henrique wainhira Sira hasoru malu iha Fatin nee, Sira konversa kleur Tiha Mak hafoin siguranca Sira lori fali Nia Mai husik iha Fatuk KABIL nian hodi fahe malu iha nee.
Henrique hatutan katak Iha tempo Neebe Nia hasoru nee, Ema barak los Mak konsentra iha Fatin nee, inklui Ema Rotuto oan Balu nomos Mauchiga ho Ema Sira sel seluk Tan Mak Nia la konhese no Nia fiar Katak Ema neebe Nia hasoru mos karik Oras nee Balu sei Moris.
tuir observasaun nota Fatin nee stratejiku tebes ba Akampamentu nian Tamba atu hakat ba husi loro monu nian uniku Dala Ida deit husi parte lorosae mos hanesa, husi sor Sorin Rai naruk hotu, iha Fatin Ida karik hetan ataka husi militar Indonesia, ne’ebe mai husi dalan parte loromonu nian no lorosae nian mak Sira bele sai husi dalan Ida hanesan balada Nia dalan Neebe susar Ema atu Liu no Ema sei la Hatene tuir sai husi Neebe.
==============
Sentru Informasaun Suku Rotutu
Amorino Mendes #CheArinoLara82
Asistensia Foto : Xefi Suku Rotuto Jose dos Santos
