Iha Sexta, loron 19 Fulan Junio 2026, Kompania Aliva Pereira uni pessoal.Lda. ho Autoridade lokal suku Daisua, suku Grotu no Kumunidade Sira hamutuk halao ritu Kultural husu lisensa ba natureza liur Nia Nain ho Rai Nain atu hasses an husi Fatin Neebe atu halo estrada, no husu ba Rai Nia Nain atu Tulun no akompanha Rehabilitasaun Estrada husi Cruzamento Raimerak – Manico to Aldeia Kolidasi, suku grotu ho diak no susesu.
Iha sermonia Ritual nee, Nain ba Kompania Aliva Pereira uni pessoal Lda, Deamentino Pereira Fernandes katak Rehabilitasaun Estrada nee sei halao husi manico to grotu ho Luan metro 6 no total distansia husi manico to Grotu hamutuk 6 km ho total orsamentu tuir pakote, Pakote A, Manico to Tual bo tai, Aldeia Riatu, suku Daisua ho montante $ 515 mill milioens. pakote B husi Tual Bo Tai, Aldeia Riatu, Suku Daisua to Suku Grotu ho montante $ 429 mill nunee Rehabilitasaun Estrada hahu husi Cruzamento Raimerak nian to Aldeia Kolidasi suku grotu ho total orsamentu $ 944 mill.
Nunee mos Iha Lansamentu kultural loke estrada nee tuir xefi Suku Daisua Amorin da Costa Sarmento katak estrada nee, loke fahe ba pakote 2 pakote A husi Cruzamento Raimerak to Tual bo tai no pakote B hus tual Bo tai – Daisua to Grotu.
Tamba nee iha prosesu Servisu xefi suku Daisua Amorin da Costa husu ba Kumunidade Sira atu kopera ho Kompania hodi Servisu ho hakmatek.
Iha Fatin nee xefi Suku Grotu Valente da Silva hatutan ho estrada neebe loke bele ajuda Kumunidade Sira Nia movimentu ba Mai no fo assesu merkadu ba Kumunidade Nia produto.
Hare husi parte kultural nian, Nazario Corte real Tilman nudar katuas lulik Nain Ida husi Daisua sente kontente Tamba iha koperasaun diak entre Kompania ho katuas lulik Sira hodi halo Lansamentu kultural nee, molok hahu loke, iha Ritual kultural nee fahe ba pakote Rua, pakote A Mak ritual loke estrada iha ADAL UDU no pakote B Mak halao Iha Tual bo tae.
Ho Rehabilitasaun Estrada Neebe halo husi governo Liu Husi Kompania Aliva Pereira nee, Joven Ida iha Aidal udu Zeferino Masa sente kontente ho estrada neebe Mak halo Rehabilitasaun Tamba durante tinan barak nia laran Sira sente sofre tebes ba estrada nunee mos Joven nee husu atu Kompania uza Joven Sira iha area nee hodi Servisu ba estrada nee, Tamba Sira mos hakarak Servisu ho Fuan ho laran ba Rai nee ho kwalidade neebe diak.
