KAMPU QUINTO DOS CRAVOS, CANTO SACRAMENTAL, JARDIM dos HEROIS, MARTIRIS DA PATRIA 1974 – 1999, LEVANTAMENTU 20 AGUSTO 1982, LEVANTAMENTU 20 AGUSTO 1982, BAZE 111 KABLAKI.
Rotuto 3 Julio 2026 || Kampu nee lokaliza iha urhei suku Rotuto, Postu Administrativo Same Municipio Manufahil.
Fatin nee nudar Fatin selebrasaun ba Loron FALINTIL no loron Levantamentu 20 Agusto 1982 nian, neebe ba dahuluk komemora Municipal neebe komisaun organizadora Levantamentu 20 Agusto 1982 hetan mandatu husi Autoridade Municipio Manufahi iha tinan 2018 neeba lidera husi ARANTES ISSAC SARMENTO, fo autorizasaun Liu Husi Administrador Postu Administrativo Same AMANDIO ASSUNSAUN DA COSTA hodi fo tomada de pose ba komisaun organizadora Levantamentu 20 Agusto 1982, iha Loron 12 Fevreiru 2018.
Depois de tomada de pose Mak iha 14 dezembro 2018 komisaun organizadora Levantamentu 20 Agusto 1982 hamutuk ho Autoridade lokal suku Rotuto Neebe lidera husi Jose dos Santos ho nia xefi Aldeia Sira, Aldeia Sabou Leonel Artur, Aldeia hatuhei Romeo dos Santos, Aldeia Foehei Joao da Silva, xefi Aldeia Berteni Jose Fausto da Silva no Xefi Aldeia Leofat Romeo dos Santos inklui Nia delegado/a no Lian Nain Sira, Hein Nain bali Nain husi Uma Lulik neebe existe iha suku Rotuto hahu tau Bua ho malus iha Fatin nee nomos hodi sukat kampu nee ho medidia 100×100.m tuir konsensus koletiva Ema hotu nian.
Nunee Mak hodi kontinua Mai iha prepara kampu Neebe Servisu hamutuk ho Marcus Corte real hodi husu apoio ba Kompania Tino Lina ateru dunik kampu nee ho demensaun 3 tuir topografiku Rai Neebe iha.
Husi Ida nee Mak iha tinan 2020 komisaun organizadora ho Autoridade Suku Rotuto Servisu hamutuk AJAR no ACBIT hahu halo sermonio Icar bendera iha Escola EBF Rotuto no inspetor sermonio iha tempo nee Mak Administrador Municipio Manufahi Arantes Issac Sarmento.
Iha tinan 2021 Mak povo Rotuto ho konsensia Servisu voluntariomente no kontribui moral, Ai Han, material, Osan husi Fatin Fatin no hetan apoio maximu husi Autoridade Municipal Municipio Manufahi hodi komemora Loron FALINTIL no loron Levantamentu nian ba dahuluk Ofisial nivel Municipal sentidu estadual iha urhei, Suku Rotuto, Neebe inspetor da sermonio tempo nee Mak Ministerio assunto Parlamentar e komonikasaun sosial (MAPAKOMS ) FRANCISCO JERONIMO, Neebe asina plaka iha tempo nee, Lideransa Nasional Dr. JOSE RAMOS HORTA, Atual Prezidente Republika Demokratik Timor Leste ( RDTL ) periodu 2023 – 2027, sermonio nee partisipa mos husi Prezidente Konselhu libertasaun Nasional RIAK LEMAN no Lideransa Nasional Sira seluk Neebe partisipa iha tempo neeba inklui linha Ministerial no depertementu interligados destakadu iha Municipio Manufahi.
Husi Ida nee, kada tinan, sempre selebra Loron historiku Rua nee, nudar loron prinsipal no importante iha Municipio Manufahi, maske Fatin selebrasaun Mak lokaliza iha Suku Rotuto.
Loron historiku Rua nee, nudar loron historiku ba Manufahi no Timor Leste, ho nunee tinan nee, tuir Planu nafatin kontinua selebra hanesan tinan – tinan maske selebra ho limitasaun tuir Kbit povo Rotuto nian, maibe karik selebrasaun nee, hetan atensaun husi Autoridade ho seriadade hanesan iha tinan 2021, 2022, 2023, espera buat hotu sei Lao ho diak nudar obrigasaun estadu Ida valoriza no dignifika Nia estoria, hodi nunee iha Futuru ho Fatin estoriku neebe barak iha manufahi, Mak Manufahi sei sai vila de hiistoriku hare husi aspetu kultural no Luta libertasaun da Patria neebe fo vantajen ba distinasaun Turistiku historiku e kultural nian iha Municipio Manufahi.
Espera selebrasaun tinan nee sei Lao ho diak no karik posivel Ema hotu sei Hola parte ho sentidu pertensia husi estoria nee rasik, Tamba husi pasado Neebe moruk Mak ohin, Ema hotu goza.
Ho selebrasaun loron historiku Rua nee, espera Ema hotu neebe haknar an iha Instituisaun Publiku ka pravidu no Ema hotu neebe nudar movimentu Civil ka sidadaun Bai Bain, Ema partidario ou non partidario sei la politiza Loron historiku Rua nee sai instrumentu politiku ba ajitasaun interese politiku, maibe nudar sidadaun Timor-Leste iha obrigasaun moral profunda hodi valoriza no tane as loron historiku nudar abut no Lulik ba nasaun, nudar respeita klean hodi halulik no Honra ba aswain Herois no Martiris Sira.
Ho hanoin Ida nee, Mak ohin ( 03/Julio ) hahu halo limpeza iha kampu neebe hodi selebra Loron historiku FALINTIL no Levantamentu nian iha tinan nee.
============
