Foehei – Rotuto || Fatuk bosok ka Sadan LOE DASI LOE BURU BARA nudar sadan Lulik Ida husi Aldeia Foehei Neebe Nain ba Fatuk bosok ka Sadan nee Mak uma Lulik Uma Maubise nian.
Sadan nee hodi hanaran Sadan LOE DASI LOE BURU BARA, tuir estoria verbal Neebe haktuir husi ibun ba ibun, husi Jerasaun Ida ba Jerasaun Ida tuir Mai iha Uma lulik Maubise laran katak Sadan nee nian naran foti husi Avo bei ala – bei tuak Ida husi Uma Lulik Maubise nia Konta Neebe nudar Jerasaun orijin husi Uma Neur Tura ( Neur Tura parte husi Uma Maubise ) nian Mak naran Leo dasi Leo Buru bara.
Bei Ala – Bei Tuak tuir estoria Neebe haktuir hanesan aiknanoik katak Beiala nee Ema Ida neebe iha Forsa ka Kbiit natureza nian ka ” Besi ubu Assa’e “( iha Lian Tetum aswain ka Heroi) ” iha Uma Maubise laran.
Ho Nunee wainhira mosu funu ruma entre Uma lulik hasoru Uma Lulik ou Liurai hasoru Liurai Tamba problema hadau malu baliza Rai ou ukun Neebe tempo neeba hanaran ‘” hun Koat Buti Kai Leu ” Mak husi Uma Maubise laran metin ba asuwain nee, Tamba wainhira funu Nia la lori Dima ou surik maibe Nia lori Fatuk deit.
Besi ubu Assa’e nee komfia iha Fatuk, nunee wainhira funu Nia hili deit Fatuk Nia kous no tau iha Nia kalbaka ( ” kalbaka iha tetum hanesan pasta ou bornal Kiik Ida neebe Nia haklilik ” ) Tamba Nia iha Forsa natureza ka supra natural Ida makas Liu Mak uza Fatuk hodi tuda, wainhira Nia tuda, Fatuk neebe Nia tuda sai dook los no Forsa los, Tamba Fatuk neebe Nia tuda karik Kona Ai, Ai mos Tohar, karik Kona Fatuk hada, Fatuk hada nee namtater hotu nunee wainhira funu ruma Nia komfia los Mak iha Fatuk.
Tamba nee Nia konsedera hanesan asuwain Ida KA besi ubu Assa’e Ida iha Uma maubise, nemak Nia mate hodi hakoi iha Fatin nee, no Fatin sai tiha Sadan Ida no sadan KA Fatuk bosok nee hanaran Fatuk bosok Leo dasi Leo Buru bara.
Estoria seluk hanesan aiknanoik haktuir katak Beiala nee ajuda Liurai Sira seluk ses husi Suku Rotuto hodi funu hamutuk ba destakamentu baliza entre suku Rua, neebe ho Nia kantigu klasiku ” Belu Loi ” nunee ” “Kota buti Laumali, sesulai, sesulai, Babulu sesulai”
( Kantiga nee, rona tuir kantiga ” Belu loi ” Neebe hananu husi katuas Sira Balu ho inisial : Luis Gurado)
=====================
Estoria nee nudar Aiknanoik Neebe hetan maibe husu ba interesante Sira seluk ajuda halo tok piskiza klean no profunda hodi kompleto no hadiak Liu Tan.
No ba Jerasaun Uma Maubise oan Sira karik estoria nee la kompleto, porvabor bele halo kompleto diak Liu Tan.
Inkompletu no dok los husi perfeito husu perdua
========================
Piskiza no ilustra hodi Hakerek : Amorino Mendes # CheArinoLara82
Apoio moral xefi Aldeia Foehei Joao da Silva
Foto sadam Uma Maubise nian
