Moris Iha mundu nudar peregrinasaun , iha tempo hahu no iha tempu termina, Moris hahu ho tanis ba Ita Nia an Rasik, Familia simu ho haksolok, otas Kiik to boot haksolok iha familia no ho familia, nudar Lilin Ida Lakan fo roman iha Uma Ida, husik familia la toli lia menon, fahe malu ho nonok, matan Taka, la hare ona mundu Nia roman, husik hela ba familia tanis halerik ,saudades laiha Rohan, nudar lilin Ida nia Lakan ,Nia mohu nenek – naben to lakon deit, Moris nudar fini ida tau ba Rai, fini sei fo Moris, Loron Ida fini sei Fila ba Rai, Moris ho Vitoria ba familia mate sai memoria no estoria ba Familia.
Estadu Mak bolu SEI husik Lia menon maibe distinu maromak fahe malu la husik Lia menon, Ida nee Mak Familia husi Antero da Silva simu nudar realidade moruk hafalun ho nakukun Moris nian Neebe fahe malu ho aman, tiu, Avo, Antero da Silva ho kodiku ” Laiha ” , iha Loron 10 Fulan Julio tinan 2026,neebe sei la hasoru malu Tan, hela deit saudades ba familia.
Maktoban Antero da Silva nudar sidadaun Ida iha Postu Administrativo Same, suku Rotuto, Aldeia Hatuhei, Uma Fukun Uma Fusu MauLoe Neebe Moris iha Loron 10 Fulan Agusto, tinan 1957.
Antero da Silva” laiha ” hahu Nia Estudu iha Escola basika Rotuto iha Tinan 1963 to tinan 1967.
Maktoban Antero da Silva ” Laiha ” Nia didikasaun ba libertasaun da Patria hahu husi Baze de apoio tinan 1975 to 1978 hanesan Forsa milisia FALINTIL, maktoban hetan kastigo politika iha Levantamentu armada tinan 1981 hetan kastigo iha Municipio Aileu suku Liurai bandera hun To 1986, no kontinua hetan detensaun obrigatorio hamutuk ho desterado Rotuto oan Sira iha Betano – Raifusa 1986 to 1989.
Maktoban kontinua halo Servisu kontribui ba libertasaun Patria iha klandestia hamutuk ho Responsavel Nureb B6 Rotuto Neebe lidera husi Saudoso Antonio Tilman Rotalik hahu iha Tinan 1994 to 1999.
Maktoban Antero da Silva ” laiha ” iha Nia Vida Moris Forma familia ho Sra. felismina da Silva hodi kous hela oan Nain 7 , feto 5 Mane 2 ho bei oan Hamutuk 28.
Neebe husi familia ho oan no bei oan Sira iha Loron 10 Julio tinan 2026, maktoban isin Mak lakon, naran sei la lakon, Moris hamutuk ho ran Jerasaun husi maktoban nian para sempre.
